|
20 ივნისი 2008 13:41 პორტუგალია - გერმანია 2:3
|
|
2008 წლის ევროპის საფეხბურთო ჩემპიონატის მეოთხედფინალში გერმანიასთან
2:3 წაგების შემდეგ, პორტუგალიის ეროვნული გუნდის მთავარმა მწვრთნელმა
ბრაზილიელმა ლუიშ ფელიპე სკოლარიმ მთელი პასუხისმგებლობა საკუთარ თავზე
აიღო.
“ვფიქრობდით, რომ გერმანელები საკუთარ ჯგუფში პირველ ადგილს დაიკავებდნენ
და მათ ნახევარფინალში შევხვდებოდით. თუმცა, ისინი მე-2 ადგილზე გავიდნენ
და ჩვენ თამაში მოგვიწია ძალიან მაღალი დონის გუნდთან, რომელიც სტანდარტულ
მდგომარეობებს საუცხოოდ იყენებს, რამაც გადამწყვეტი როლი ითამაშა.ჩვენი გუნდის თითოეულ ფეხბურთელს დავალებული ჰქონდა, რომ ბალაკისა და
სხვა გერმანელი ფეხბურთელების წინააღმდეგ, სტანდარტული მდგომარეობების
შესრულებისას პერსონალურად ეთამაშათ. თუმცა, როდესაც საქმე აქამდე
მიდიოდა, მათთან ჩვენი გუნდის სრულიად სხვა მოთამაშეები იმყოფებოდნენ და
ამისგან, მეტოქემ მაქსიმალური სარგებელი ნახა. ნახევარფინალში რომ ვერ
მოვხვდით, ამაში მთავარი დამნაშავე თავად ვარ, რადგან გუნდის
შემადგენლობაზე და ტაქტიკის არჩევაზე პასუხისმგებელი მე ვარ.
|
|