2008 წლის ევროპის საფეხბურთო ჩემპიონატის ფინალს იტალიელი არბიტრი რობერტო როსეტი განსჯის.
   მიმდინარე ტურნირზე, როსეტიმ თავის თანაშემწეებთან - ალესანდრო გრიზელისთან და პაოლო კალკანოსთან ერთად, ჯგუფურ ეტაპზე შვეიცარია-ჩეხეთისა და საბერძნეთი-რუსეთის, ხოლო მეოთხედფინალში ხორვატია-თურქეთის მატჩები იმსაჯა.
   ის განათლებით ექიმია და იტალიაში ერთ-ერთი სამედიცინო კლინიკის დირექტორია. მისი ჰობი - ჩოგბურთი და კითხვაა.
როსეტიმ მსაჯობა 1983 წლიდან დაიწყო, ხოლო სერია ა-ს მატჩებს 1996 წლიდან ემსახურება.
როსეტი ფიფას არბიტრი 2002 წელს გახდა.